📢 Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilən “Koxlear implantlı uşaqların həyata adaptasiyası və valideynlərin maarifləndirilməsi” layihəsi 11 avqust 2026-cı il tarixində uğurla yekunlaşdı. 💜
👥 Layihə çərçivəsində hər biri 100 nəfərin iştirakı ilə iki genişmiqyaslı maarifləndirici tədbir təşkil olundu.
Tədbirlərdə:
🔹 dövlət qurumlarının nümayəndələri və millət vəkilləri;
🔹 LOR-cərrahlar, audioloqlar, surdoloqlar, loqopedlər, defektoloqlar və psixoloqlar;
🔹 koxlear implant istifadəçiləri və onların valideynləri iştirak etdilər.
🇦🇿 Tədbirin koxlear implantlı uşaqların ifasında Azərbaycan Respublikasının Dövlət Himni ilə açılması isə layihənin ən duyğulu və qürurverici anlarından biri oldu.
📊 Tədbirlər zamanı “Koxlear İmplantlı Şəxslərə Sosial Yardım” İctimai Birliyinin fəaliyyəti və ölkədə koxlear implant sahəsi üzrə statistik göstəricilər də təqdim edildi.
Layihənin əsas nəticəsi — valideynlərin məlumatlılığının artırılması, mütəxəssislərlə ailələr arasında əlaqələrin gücləndirilməsi və uşaqların daha uğurlu reabilitasiya və sosial adaptasiyasına dəstək göstərilməsi oldu.
🙏 Layihənin həyata keçirilməsində göstərdiyi diqqət və dəstəyə görə BUREAU 19 rəhbərliyinə xüsusi təşəkkürümüzü bildiririk.
Həmçinin layihəyə töhfə verən bütün dövlət qurumlarına, mütəxəssislərə, tərəfdaşlara, valideynlərə və iştirakçılara dərin minnətdarlığımızı ifadə edirik. 💜
Koxlear implant möcüzə deyil — elmin, düzgün reabilitasiyanın və dövlət dəstəyinin sayəsində minlərlə uşağa eşitmək, danışmaq və həyata bərabər imkanlarla qoşulmaq şansı verən böyük bir ümiddir. 🌱
Biz bundan sonra da eşitmə məhdudiyyətli uşaqların sağlam gələcəyi, keyfiyyətli reabilitasiyası, cəmiyyətə tam inteqrasiyası və hüquqlarının müdafiəsi üçün fəaliyyətimizi davam etdirəcəyik.
💜 İkinci səs olaq, sükuta həyat verək!
#KoxlearİmplantlıŞəxslərəSosialYardımİctimaiBirliyi #İkinciSəs #Koxlearİmplant #KoxlearİmplantlıUşaqlar #EşitməMəhdudiyyəti #Reabilitasiya #Sosialİnteqrasiya #Maarifləndirmə #ValideynDəstəyi #UşaqlarınHüquqları #QHT @ngoagency.gov.az @bureau__19
